Trajneri i Manchester City-t, Pep Guardiola ka zbuluar bisedën që ka bërë pas ndeshjes me trajnerin Zinedine Zidane.

City eliminoi Real-in nga Liga e Kampionëve duke e mposhtur në dy ndeshjet me rezultat të ngjashëm 2 – 1, transmeton portali arbresh.info.

Tekniku spanjoll ka thënë se e ka uruar Zidane-n për La Liga, derisa ka zbuluar se e ka pëlqyer shumë sa ishte lojtar.

“E urova për La Liga-n. Gjithmonë kam thënë se fitimi i ligës është shumë i vështirë sepse je për 11 muaj”.

“Biseduam për familjet tona dhe i urova më të mirat. Ishte një ndër idollet e mi sa isha lojtar”.

“Kam luajtur kundër tij dhe kam vuajtur shumë. Ishte ndër më të mirët dhe e pëlqej mënyrën si e reprezanton profesionin”, deklaroi ai.

City në çerekfinale të Ligës së Kampionëve do përballet me Lyon-in./arbresh.info.